VængirFlugklúbbur
Flugklúbburinn Vængir var stofnaður árið 2013 í kring um rekstur á flugvélinni TF-OMG. Vængir eiga nafn sitt að rekja til flugfélagsins Vængja alla leið til ársins 1970, sem áður stundaði áætlunar- og leiguflug aðallega á vesturlandi sem og norðurlandi.
Frá árinu 2013 hefur flugfloti Vængja stækkað jafnt og þétt, og hefur klúbburinn í dag fjórar flugvélar til umráða sem henta breiðum hópi flugmanna hér á landi. Flugklúbburinn hefur aðsetur í Fluggörðum í tveimur skýlum, og eru vélarnar geymdar inni allan ársins hring.
Vængir kappkosta á að halda úti öflugum flugklúbbi sem býður upp á hagstæð verð og gott viðhald á flugvélum, samhliða skemmtilegu og fjölbreyttu félagsstarfi.
TF-OMG er fyrsta vél flugklúbbsins en hún er af gerðinni Cessna 170B og er stélhjólsflugvél.Vélin var áður skráð sem TF-GMG en lenti síðan í óhappi og var gerð upp af flugvirkjateymi Vængja af mikilli gaumgæfni. Óhætt er að segja að uppgerðin á vélinni hafi heppnast einstaklega vel og hefur hún verið vinsæl til afnota meðal félagsmanna allt frá upphafi Vængja ársins 2013.
Flugvélin er af gerðinni Piper Archer II (PA-28-181) og er lágþekja. Hún er jafnframt þriðja vélin sem kom inn í flugflota Vængja og hefur verið í klúbbnum síðan sumarið 2016. Langt flugþol og öflugur mótor einkenna frábæra flugeiginleika sem þessi vél hefur, og er hún afar vinsæl meðal félagsmanna í klúbbnum.
Flugvélin er af gerðinni Cessna Skyhawk C-172N, og hefur sú tegund oft verið kölluð „heimsins vinsælasta flugvél“ en um það bil 40 slíkar flugvélar hafa verið skráðar í loftfaraskrá hér á landi, og hafa margir flugskólar notast við vélina í kennsluflug. TF-FFL var skráð í Loftfaraskrá Samgöngustofu árið 1988 og var í einkaeign þar til ársins 2017 þegar að hún kom til Vængja, þar sem hún kom inn sem fjórða flugvél klúbbsins.
Hina geysivinsælu flugvélatýpu Cessna 172N þekkja flestir flugmenn, TF-JEG kom út úr verksmiðjunni árið 1980 en Cessna hóf framleiðslu á N týpu af 172 árið 1977. Cessna 172 kom á sjónarsviðið árið 1955, og hefur engin flugvél verið framleidd af jafn miklu magni og einmitt hún.
Flugvélin er eina tveggja sæta vél klúbbsins og hefur hún fylgt Vængjum frá árinu 2014. TF-TWO er af gerðinni Cessna 150L sem hefur verið vinsæl til kennslu og tímasöfnunar á Íslandi, hafa þær vinsældir sennilega náðst sökum þess hversu hentug vélin þykir fyrir byrjendur sem og lengra komna. Má þar helst nefna viðbrögð vélarinnar við flugæfingar. Langt flugþol og öflugur mótor einkenna frábæra flugeiginleika sem þessi vél hefur, og er hún afar vinsæl meðal félagsmanna í klúbbnum.
Er af gerðinni Reims Aviation Company Cessna F150L, Reims verksmiðjan í Frakklandi hóf að framleiða flugvélar árið 1960 fyrir Cessna sem áætlaðar voru fyrir Evrópskan markað. TF-OII var framleidd árið 1973, og komst í eigu Vængja árið 2020.
Settu inn póstfangið þitt og við sendum þér ýtarlegri upplýsingar